ເມືອງຫ້ວຍຊາຍ

    ວັດຈອມເຂົາມະນີຣັດ
ວັດຈອມເຂົາມະນີຣັດເປັນວັດທີ່ມີຄວາມເກົ່າແກ່ ແລະສັກສິດ ພ້ອມທັງເປັນສະຖານທີ່ທ່ອງທ່ຽວທີ່ມີຊື່ສຽງໂດ່ງດັງອີກແຫ່ງຫນື່ງຂອງແຂວງບໍ່ແກ້ວ ເຊິ່ງຕັ້ງຢູ່ເຂດບ້ານໃຫ່ຍຫ້ວຍຊາຍໃຕ້ ເມືອງຫ້ວຍຊາຍ ,ວັດຈອມເຂົາມະນີຣັດ ຖືກສ້າງຕັ້ງຂື້ນໃນສະໄໝຣາຊການພະເຈົ້າຟ້າຂຸນຈິງ ເຊິ່ງເປັນຜູ້ມາສ້າງບ້ານຫ້ວຍຊາຍທຳອິດໃນປີ ຄສ 1880 ວັດດັ່ງກ່າວເຮັດດ້ວຍໄມ້ສັກ, ເປັນບ່ອນສັກກາລະບູຊາຂອງຊາງເມືອງແລະນັກທ່ອງທ່ຽວຈົນມາຮອດປັດຈຸບັນ.

1.           ອ້່ງນໍ້າຕີນ
                      ⏩ອ້່ງນໍ້າຕີນເປັນສະຖາທີແລງທ່ອງທ່ຽວແຫ່ງໜຶ່ງຂອງແຂວງບໍ່ແກ້ວ ເໝາະສຳລັບໄປທ່ຽວຊົມຍາມລະດູຝົນເຊິ່ງທ່ານຈະໄດ້ສຳພັດກັບບັນຍາກາດແບບທຳມະຊາດຕາມສະພາບແວ້ດລ້ອມແຫ່ງນັ້ນງາມຫຼາຍ ແລະ ຍັງມີອາຫານແຊບໆທ່ານລິ້ມລອງລົດຊາດອິກດ້ວຍ ແລະ ອື່ນໆ

1.  ປ່າສະຫງວນນ້ຳກ່ານແຫ່ງຊາດ

                         ສະຖານທີ່ແຫ່ງນີ້ແມ່ນປ່າສະຫງວນແຫ່ງຊາດ ແຂວງບໍ່ແກ້ວ ເຊິ່ງເປັນແຫຼ່ງທ່ອງທ່ຽວ ທີ່ມີຊື່ສຽງທາງດ້ານການທ່ອງທ່ຽວໃນດ້ານການອະນຸລັກທຳມະຊາດເມື່ອນັກທ່ອງທ່ຽວມາກໍພາກັນຈັດກິດຈະກຳການທ່ອງທ່ຽວເຊິ່ງປະກອບມີຫຼາຍກິດຈະກຳດ້ວຍກັນເຊັ່ນ: ນອນຢູ່ເທິງເຮືອນຕົ້ນໄມ້ທີ່ສູງທີ່ສຸດໃນໂລກ, ເບິ່ງສັດປ່າທີ່ຫາຍາກ ແລະໃກ້ທີ່ຈະສູນພັນຢູ່ໃນປະເທດລາວ, ກິດຈະກຳຍ່າງປ່າ, ຂີ່ສະລິງທີ່ຍາວທີ່ສຸດໃນປະເທດລາວ ແລະ ກິດຈະກຳດັ່ງກ່າວເໝາະສຳລັບຜູ້ທີ່ມັກການ ທ່ອງທ່ຽວແບບປະຈົນໄພ.

              

                       ຂີີ່ສະລີ່ງໄປເຮືອນຕົ້ນໄມ້

 ຜາພຣະ

 ຜາພຣະ ບ້ານປາກງາວ ເມືອງຫ້ວຍຊາຍ ແຂວງບໍ່ແກ້ວ ເປັນການສະຫລັກພຣະພຸດທະຮູບລົງໃນຜາ ຫລືກ້ອນຫິນ ແຄມຝັ່ງນ້ຳຂອງ ຜູ້ເຖົ້າຜູ້ແກ່ເລົ່າໃຫ້ຟັງວ່າ ໃນສະໄຫມກ່ອນເຈົ້າອານຸວົງ ໄດ້ເດິນທາງມາຕາມລຳນ້ຳຂອງເມື່ອມາຮອດແຖວນີ້ ເຮືອທີ່ລູກສາວຂອງເພິ່ນນັ່ງມາໄດ້ເກີດຫລົ້ມລົງທີ່ແກ້ງຫິນໃນບໍລິເວນນີ້ແລະເຮັດໃຫ້ລູກສາວຂອງເຈົ້າອະນຸວົງເສຍຊີວິດລົງ ດັ່ງນັ້ນ ເພິ່ນຈຶງເຮັດອະນຸສອນເພື່ອຣະນຶກເຖິງລູກສາວຂອງເພິ່ນກໍ່ໄດ້ມີການສ້າງພຣະພຸດທະຮູບໄວ້ທີ່ເທິງຜາໃກ້ບໍລິເວນທີ່ເກີດອຸບັດເຫດດັ່ງກ່າວ

  ປ້ອມປາການຄ້າຍທະຫານ

    ພູຜາແດງ: ຕັ້ງຢູ່ທາງທິດເໜືອຂອງ ເມືອງຫ້ວຍຊາຍ, ແຂວງບໍ່ແກ້ວ ຫ່າງຈາກເທດສະບານແຂວງປະມານ 23 ກິໂລແມັດ. ພູດັ່ງກ່າວ ເປັນພູປະຫວັດສາດ ໃນສະໄໝອາເມລິກາດຳເນີນສົງຄາມຢູ່ລາວ; ຢູ່ໃນນີ້ ຍັງມີເດີ່ນບິນ ແລະ ຂຸມຄອງເກົ່າຂອງທະຫານອາເມລິກາ (CIA), ພູດັ່ງກ່າວ ມີຄວາມສູງເໜືອໜ້ານ້ຳປະມານ 1500 ແມັດ, ຍັງອຸດົມສົມບູນໄປດ້ວຍຊີວະນາໆພັນເຊັ່ນ: ປ່າໄມ້ໃຫຍ່, ຕົ້ນຊາໃຫຍ່, ຝູງນົກ ແລະ ກະຮອກ. ເມື່ອຍາມ ກາງຄືນໄດ້ຍິນສຽງຮ້ອງຂອງນົກເຄົ້າແມວ, ເປັດປອງ, ແມງຈີລໍ່ ແລະ ໃນຍາມເຊົ້າ ຈະມີນົກຕົ້ງລໍ ແລະ ນົກອື່ນໆ.

 ພິເສດ: ຢູ່ເທິງພູນັກທ່ອງທ່ຽວໄດ້ເຫັນໝອກທີຫນາ ແລະ ກວ້າງຂວາງ ທີ່ເຂົ້າເອິ່ນວ່າທະເລໝອກ

ແກ້ວລັກເມືອງແກ້ວບໍ່ແກ້ວ